Eze 30:13-19 | SwhNEN | STEP | “ ‘Hili ndilo Bwana Mwenyezi asemalo: “ ‘Nitaangamiza sanamu na kukomesha vinyago katika Memfisi Hapatakuwepo tena na mkuu katika nchi ya Misri, nami nitaeneza hofu katika nchi nzima.

‏ Ezekiel 30:13-19

13 ^a“ ‘Hili ndilo Bwana Mwenyezi asemalo:

“ ‘Nitaangamiza sanamu
na kukomesha vinyago katika Memfisi ^{▼▼Kiebrania ni Nofu.}
Hapatakuwepo tena na mkuu katika nchi ya Misri,
nami nitaeneza hofu katika nchi nzima.
14 ^cNitaifanya Pathrosi ^{▼▼Pathrosi ni Misri ya Juu.} kuwa ukiwa
na kuitia moto Soani,
nami nitaipiga kwa adhabu Thebesi ^{▼▼Thebesi kwa Kiebrania ni No (au No-Amoni), mji katika Misri.}
15 Nitaimwaga ghadhabu yangu juu ya Pelusiumu, ^{▼▼Kiebrania ni Sini.}
ngome ya Misri,
nami nitakatilia mbali
makundi ya wajeuri wa Thebesi.
16 ^gNitaitia moto nchi ya Misri;
Pelusiumu itagaagaa kwa maumivu makuu.
Thebesi itachukuliwa na tufani,
Memfisi itakuwa katika taabu daima.
17 ^hWanaume vijana wa Oni ^{▼▼Yaani Heliopoli (Mji wa Jua).} na wa Pi-Besethi ^{▼▼Yaani Bubasti.}
wataanguka kwa upanga
nayo hiyo miji itatekwa.
18 ^kHuko Tahpanhesi mchana utatiwa giza
nitakapovunja kongwa la Misri;
hapo kiburi cha nguvu zake kitakoma.
Atafunikwa na mawingu
na vijiji vyake vitatekwa.
19 ^lKwa hiyo nitaipiga Misri kwa adhabu,
nao watajua kuwa Mimi ndimi Bwana.’ ”