Psa 91 | SwhNEN | STEP | Yeye akaaye mahali pa salama pake Yeye Aliye Juu Sana, atadumu katika uvuli wake Mwenyezi.

‏ Psalms 91

Mungu Mlinzi Wetu

1 ^aYeye akaaye mahali pa salama pake Yeye Aliye Juu Sana,
atadumu katika uvuli wake Mwenyezi. ^{▼▼Mwenyezi hapa ina maana ya Shaddai kwa Kiebrania.}
2 ^cNitasema kumhusu Bwana, “Yeye ndiye kimbilio langu na ngome yangu,
Mungu wangu, ambaye ninamtumaini.”

3 ^dHakika yeye ataniokoa na mtego wa mwindaji,
na maradhi ya kuambukiza ya kuua.
4 ^eAtakufunika kwa manyoya yake,
chini ya mbawa zake utapata kimbilio,
uaminifu wake utakuwa ngao na kinga yako.
5 ^fHutaogopa vitisho vya usiku,
wala mshale urukao mchana,
6 wala maradhi ya kuambukiza
yanayonyemelea gizani,
wala tauni iharibuyo adhuhuri.
7 Ijapo watu elfu wataangukia kando yako,
kumi elfu mkono wako wa kuume,
lakini haitakukaribia wewe.
8 ^gUtatazama tu kwa macho yako
na kuona adhabu ya waovu.

9 Kama ukimfanya Aliye Juu Sana kuwa makao yako:
naam, Bwana ambaye ni kimbilio langu,
10 ^hbasi hakuna madhara yatakayokupata wewe,
hakuna maafa yataikaribia hema yako.
11 ⁱKwa kuwa atawaagiza malaika zake kwa ajili yako,
wakulinde katika njia zako zote.
12 ^jMikononi mwao watakuinua,
ili usijikwae mguu wako kwenye jiwe.
13 ^kUtawakanyaga simba na nyoka wakali,
simba mkubwa na nyoka utawaponda kwa miguu.

14 ^l Bwana asema, “Kwa kuwa ananipenda, nitamwokoa;
nitamlinda, kwa kuwa analikiri Jina langu.
15 ^mAtaniita, nami nitamjibu;
nitakuwa pamoja naye katika taabu,
nitamwokoa na kumheshimu.
16 ⁿKwa siku nyingi nitamshibisha
na kumwonyesha wokovu wangu.”