‏ Psalms 89

Wimbo Wakati Wa Taabu Ya Kitaifa

Utenzi wa Ethani Mwezrahi.

1 ^aNitaimba juu ya upendo mkuu wa Bwana milele;
kwa kinywa changu nitajulisha uaminifu wako
ujulikane kwa vizazi vyote.
2 ^bNitatangaza kuwa upendo wako unasimama imara milele
na uaminifu wako umeuthibitisha mbinguni.

3 ^cUlisema, “Nimefanya agano na mteule wangu,
nimemwapia mtumishi wangu Daudi,
4 ^d‘Nitaimarisha uzao wako milele
na kudumisha ufalme wako kwa vizazi vyote.’ ”

5 ^eEe Bwana, mbingu zinayasifu maajabu yako,
uaminifu wako pia katika kusanyiko la watakatifu.
6 ^fKwa kuwa ni nani katika mbingu
anayeweza kulinganishwa na Bwana?
Ni nani miongoni mwa viumbe vya mbinguni
aliye kama Bwana?
7 ^gKatika kusanyiko la watakatifu, Mungu huogopwa sana,
anahofiwa kuliko wote wanaomzunguka.
8 ^hEe Bwana Mwenye Nguvu Zote,
ni nani aliye kama wewe?
Ee Bwana, wewe ni mwenye nguvu,
na uaminifu wako unakuzunguka.

9 ⁱWewe unatawala bahari yenye msukosuko;
wakati mawimbi yake yanapoinuka, wewe unayatuliza.
10 ^jWewe ulimponda Rahabu ▼

▼Rahabu hapa ina maana jina la Misri kwa fumbo, yaani mwenye majivuno (lakini sio Rahabu wa Yos 2).

kama mmojawapo wa waliochinjwa;
kwa mkono wako wenye nguvu,
uliwatawanya adui zako.
11 ^lMbingu ni zako, nayo nchi pia ni yako,
uliuwekea ulimwengu msingi
pamoja na vyote vilivyomo.
12 ^mUliumba kaskazini na kusini;
Tabori na Hermoni wanaliimbia jina lako kwa furaha.
13 ⁿMkono wako umejaa uwezo;
mkono wako una nguvu,
mkono wako wa kuume umetukuzwa.

14 ^oHaki na hukumu ndio msingi wa kiti chako cha enzi;
upendo na uaminifu vinakutangulia.
15 ^pHeri ni wale ambao wamejifunza kukusifu kwa shangwe,
wanaotembea katika mwanga
wa uwepo wako, Ee Bwana.
16 ^qWanashangilia katika jina lako mchana kutwa,
wanafurahi katika haki yako.
17 ^rKwa kuwa wewe ni utukufu na nguvu yao,
kwa wema wako unatukuza pembe ▼

▼Pembe inawakilisha nguvu.

yetu.
18 ^tNaam, ngao yetu ni mali ya Bwana,
na mfalme wetu mali ya Aliye Mtakatifu wa Israeli.

19Ulizungumza wakati fulani katika maono,
kwa watu wako waaminifu, ukasema:
“Nimeweka nguvu kwa shujaa,
nimemwinua kijana miongoni mwa watu.
20 ^uNimemwona Daudi, mtumishi wangu,
na nimemtia mafuta yangu matakatifu.
21 ^vKitanga changu kitamtegemeza,
hakika mkono wangu utamtia nguvu.
22 ^wHakuna adui atakayemtoza ushuru,
hakuna mtu mwovu atakayemwonea.
23 ^xNitawaponda adui zake mbele zake
na kuwaangamiza watesi wake.
24 ^yUpendo wangu mkamilifu utakuwa pamoja naye,
kwa Jina langu pembe yake itatukuzwa.
25 ^zNitauweka mkono wake juu ya bahari,
mkono wake wa kuume juu ya mito.
26 ^aaNaye ataniita kwa sauti, ‘Wewe ni Baba yangu,
Mungu wangu, Mwamba na Mwokozi wangu.’
27 ^abNitamteua pia awe mzaliwa wangu wa kwanza,
aliyetukuka kuliko wafalme wote wa dunia.
28 ^acNitadumisha upendo wangu kwake milele,
na agano langu naye litakuwa imara.
29 ^adNitaudumisha uzao wake milele,
kiti chake cha enzi kama mbingu zinavyodumu.

30 ^ae“Kama wanae wataacha amri yangu
na wasifuate sheria zangu,
31kama wakihalifu maagizo yangu
na kutoshika amri zangu,
32 ^afnitaadhibu dhambi yao kwa fimbo,
uovu wao kwa kuwapiga,
33 ^aglakini sitauondoa upendo wangu kwake,
wala sitausaliti uaminifu wangu kamwe.
34 ^ahMimi sitavunja agano langu
wala sitabadili lile ambalo midomo yangu imelitamka.
35 ^aiMara moja na kwa milele, nimeapa kwa utakatifu wangu,
nami sitamdanganya Daudi:
36 ^ajkwamba uzao wake utaendelea milele,
na kiti chake cha enzi kitadumu mbele zangu kama jua;
37 ^akkitaimarishwa milele kama mwezi,
shahidi mwaminifu angani.”

38 ^alLakini wewe umemkataa, umemdharau,
umemkasirikia sana mpakwa mafuta wako.
39 ^amUmelikana agano lako na mtumishi wako,
na umeinajisi taji yake mavumbini.
40 ^anUmebomoa kuta zake zote,
na ngome zake zote umezifanya kuwa magofu.
41 ^aoWote wapitao karibu wamemnyangʼanya mali zake;
amekuwa dharau kwa jirani zake.
42 ^apUmeutukuza mkono wa kuume wa adui zake,
umewafanya watesi wake wote washangilie.
43 ^aqUmegeuza makali ya upanga wake,
na hukumpa msaada katika vita.
44Umeikomesha fahari yake,
na kukiangusha kiti chake cha enzi.
45 ^arUmezifupisha siku za ujana wake,
umemfunika kwa vazi la aibu.

46 ^asHata lini, Ee Bwana? Utajificha milele?
Ghadhabu yako itawaka kama moto hata lini?
47 ^atKumbuka jinsi maisha yangu yanavyopita haraka.
Ni kwa ubatili kiasi gani umemuumba mwanadamu!
48 ^auNi mtu gani awezaye kuishi na asione kifo,
au kujiokoa mwenyewe kutoka nguvu za kaburi? ▼

▼Kaburi hapa maana yake ni Kuzimu, kwa Kiebrania ni Sheol.

49 ^awEe Bwana, uko wapi upendo wako mkuu wa mwanzoni,
ambao katika uaminifu wako ulimwapia Daudi?
50 ^axBwana kumbuka jinsi mtumishi wako amesimangwa,
jinsi ninavyovumilia moyoni mwangu dhihaka za mataifa yote,
51 ^aydhihaka ambazo kwazo adui zako
wamenisimanga, Ee Bwana,
ambazo kwazo wamesimanga
kila hatua ya mpakwa mafuta wako.

52 ^azMsifuni Bwana milele!
Amen na Amen.