a Za 10:3; 44:8; 94:4; 1Sam 21:7
b Za 5:9; 59:7; Hes 6:5; Mit 12:18
c Kut 10:10; Za 58:3; 1Sam 12:25; Amo 5:14, 15; Yn 3:20; Ufu 21:8; Yer 9:4, 5
d Za 5:9; 10:7; 109:2; 120:2, 3; Mit 10:31; 12:19
e Kum 28:63; 29:28; Ay 28:13; 40:12; Isa 22:19; Mit 2:22; Eze 17:24
f Ay 22:19; Za 58:10
g 2Sam 22:3; Za 49:6; Mk 10:23; Mit 11:28; Ay 31:24, 25
h Ufu 11:4; Za 1:3; 6:4; 13:5; 54:6
i Ay 7:6; Za 16:3; 30:12; 25:3; 54:6; Kum 7:6

‏ Psalms 52

Hukumu Ya Mungu

Kwa mwimbishaji. Utenzi wa Daudi. Baada ya Doegi, Mwedomu kumwendea Sauli na kumjulisha kuwa: “Daudi amekwenda nyumbani kwa Ahimeleki.”

1 aEwe jitu, mbona unajivunia ubaya?
Kwa nini unajivuna mchana kutwa,
wewe ambaye ni fedheha mbele za Mungu?
 2 bUlimi wako hupanga mashauri mabaya ya maangamizi.
Ni kama wembe mkali, ninyi mfanyao hila.
 3 cUnapenda mabaya kuliko mema,
uongo kuliko kusema kweli.
 4 dUnapenda kila neno lenye kudhuru,
ewe ulimi wenye hila!
5 eHakika Mungu atakushusha chini
kwa maangamizi ya milele:
atakunyakua na kukuondoa kwa nguvu
kutoka hema yako,
atakungʼoa kutoka nchi ya walio hai.
 6 fWenye haki wataona na kuogopa,
watamcheka, wakisema,
 7 g“Huyu ni yule mtu ambaye
hakumfanya Mungu kuwa ngome yake,
bali alitumainia wingi wa utajiri wake,
na akawa hodari kwa kuwaangamiza wengine!”

Neema Ya Mungu

8 hLakini mimi ni kama mti wa mzeituni
unaostawi katika nyumba ya Mungu,
nautegemea upendo wa Mungu usiokoma
milele na milele.
 9 iNitakusifu milele kwa yale uliyoyatenda,
nitatumaini jina lako, kwa kuwa jina lako ni jema.
Nitakusifu mbele ya watakatifu wako.
Copyright information for SwhNEN
The selected Bible will not be clickable as it does not support the Vocabulary feature. The vocabulary is available by hovering over the verse number.