a Kum 23:21; Za 2:6; 116:18
b Za 86:9; Isa 66:23; Lk 11:9, 10
c Za 40:12; 79:9; Rum 3:25; Ebr 9:14
d Hes 16:5; Za 33:12; 36:8
e Kum 4:34; Isa 64:3; Za 107:23; 18:46; 68:19; 85:4; 45:4; 48:10; 106:22
f Amo 4:13; Isa 51:9; Za 18:1; 93:1
g Za 139:20; 89:9; 74:23; 2:1; 93:3, 4; 107:29; Mt 8:26; Kum 32:41; Isa 17:12-13
h Ay 37:5; Za 100:2; 107:22; 126:2; Isa 24:16; 52:9
i Za 104:14, 24; 68:9, 10; Law 26:4; Mwa 27:28; Kum 32:14
j Kum 32:2; 2Sam 1:21; Ay 36:28; Mdo 14:17
k Kum 28:12; Za 104:3, 28; 147:14; Yn 10:10; Lk 6:38
l Ay 28:26; Yoe 2:22; Za 98:8
m Za 72:16; 98:8; 144:13; Zek 8:12; Isa 55:12; 44:23; 49:13; 30:33; 14:8

‏ Psalms 65

Kusifu Na Kushukuru

Kwa mwimbishaji. Zaburi ya Daudi. Wimbo.

1 aEe Mungu, sifa zakungojea katika Sayuni;
kwako wewe nadhiri zetu zitatimizwa.
 2 bEwe usikiaye maombi,
kwako wewe watu wote watakuja.
 3 cTulipokuwa tumefunikwa kabisa na dhambi,
wewe ulisamehe makosa yetu.
 4 dHeri wale uliowachagua
na kuwaleta karibu ili waishi katika nyua zako!
Tunashibishwa kwa mema ya nyumba yako,
mema ya Hekalu lako takatifu.
5 eUnatujibu kwa matendo ya kushangaza ya haki,
Ee Mungu Mwokozi wetu,
tumaini la miisho yote ya duniani
na la bahari zilizo mbali sana,
 6 fuliyeumba milima kwa uwezo wako,
ukiwa umejivika nguvu,
 7 guliyenyamazisha dhoruba za bahari,
ngurumo za mawimbi yake,
na ghasia za mataifa.
 8 hWale wanaoishi mbali sana
wanaogopa maajabu yako,
kule asubuhi ipambazukiapo
na kule jioni inakofifilia
umeziita nyimbo za furaha.
9 iWaitunza nchi na kuinyeshea,
waitajirisha kwa wingi.
Vijito vya Mungu vimejaa maji
ili kuwapa watu nafaka,
kwa maana wewe umeviamuru.
 10 jUmeilowesha mifereji yake
na kusawazisha kingo zake;
umeilainisha kwa manyunyu
na kuibariki mimea yake.
 11 kUmeuvika mwaka taji ya baraka,
magari yako yanafurika kwa wingi.
 12 lMbuga za majani za jangwani umezineemesha;
vilima vimevikwa furaha.
 13 mPenye nyanda za malisho pamejaa makundi ya wanyama,
na mabonde yamepambwa kwa mavuno;
vyote vinashangilia kwa furaha na kuimba.
Copyright information for SwhNEN
The selected Bible will not be clickable as it does not support the Vocabulary feature. The vocabulary is available by hovering over the verse number.