a1 Samuel 21
 

‏ Psalms 56

Gweddi un sy'n trystio Duw

I'r arweinydd cerdd: Ar yr alaw “Colomen ar Goed Derw Pell”. Wedi ei hysgrifennu gan Dafydd ar ôl iddo gael ei ddal gan y Philistiaid yn Gath. a

1Dangos drugaredd ata i, O Dduw,
dw i'n cael fy erlid!
Mae'r gelynion yn ymosod arna i drwy'r amser.
 2Maen nhw'n fy ngwylio i ac yn fy erlid i'n ddi-baid.
Mae cymaint ohonyn nhw yn ymladd yn fy erbyn!
O Dduw, y Goruchaf.
 3Pan mae gen i ofn, dw i'n dy drystio di –
 4Duw, yr un dw i'n gwybod sy'n cadw ei air!
Dw i'n trystio Duw, does gen i ddim ofn.
Beth all dynion meidrol ei wneud i mi?
 5Maen nhw'n twistio fy ngeiriau
a dim ond eisiau gwneud niwed i mi.
 6Maen nhw'n dod at ei gilydd i ysbïo arna i.
Maen nhw'n gwylio pob symudiad,
ac yn edrych am gyfle i'm lladd.
 7Wyt ti'n mynd i adael iddyn nhw lwyddo?
Bwrw nhw i lawr yn dy ddig, O Dduw!
 8Ti'n cadw cofnod bob tro dw i'n ochneidio.
Ti'n casglu fy nagrau mewn costrel.
Mae'r cwbl wedi ei ysgrifennu yn dy lyfr.
 9Bydd y gelyn yn ffoi pan fydda i'n galw arnat ti.
Achos dw i'n gwybod un peth –
mae Duw ar fy ochr i.
 10Duw, yr un dw i'n gwybod sy'n cadw ei air!
Yr Arglwydd – dw i'n gwybod ei fod yn cadw ei air!
 11Dw i'n trystio Duw, does gen i ddim ofn.
Beth all dynion meidrol ei wneud i mi?
 12Dw i'n mynd i gadw fy addewidion, O Dduw,
a chyflwyno offrymau diolch i ti.
 13Ti wedi achub fy mywyd i,
a chadw fy nhraed rhag llithro.
Dw i'n gallu byw i ti, O Dduw,
a mwynhau goleuni bywyd.
Copyright information for CYM
The selected Bible will not be clickable as it does not support the Vocabulary feature. The vocabulary is available by hovering over the verse number.