bExodus 13:21; 24:16; 40:36-38
cExodus 13:21; 24:16

‏ Isaiah 4

1Bryd hynny,

bydd saith o ferched yn gafael mewn un dyn,
ac yn dweud, “Gad i ni dy briodi di –
Gwnawn fwyta ein bwyd ein hunain,
a gwisgo'n dillad ein hunain.
Ond cymer ein cywilydd ni i ffwrdd!” ▼
▼4:1 Cymer ein cywilydd i ffwrdd Os oedd gwraig heb ŵr a phlant, roedd yn achos cywilydd mawr.

Bydd yr Arglwydd yn bendithio ei bobl

 2Bryd hynny,

bydd blaguryn yr Arglwydd
yn rhoi harddwch ac ysblander,
a bydd ffrwyth y tir
yn cynnig urddas a mawredd,
i'r ychydig rai fydd ar ôl yn Israel.
 3Bydd y rhai sydd ar ôl yn Seion,
ac wedi eu gadael yn Jerwsalem
yn cael eu galw'n sanctaidd –
pawb sydd wedi eu cofnodi i fyw yn Jerwsalem.
 4Pan fydd yr Arglwydd wedi glanhau
budreddi merched Seion,
bydd yn cael gwared ag euogrwydd Jerwsalem –
trwy farnu a charthu.
 5Bydd yr Arglwydd yn dod â chwmwl yn y dydd
a thân yn llosgi yn y nos, b
a'i osod uwchben y cysegr a'r man cyfarfod ar Fynydd Seion.
Yn wir, bydd ei ysblander yn hongian fel canopi dros bopeth. c
 6Bydd fel caban i gysgodi rhag y gwres yn ystod y dydd,
ac yn lloches i gysgodi rhag y storm o law.
Copyright information for CYM
The selected Bible will not be clickable as it does not support the Vocabulary feature. The vocabulary is available by hovering over the verse number.

Everyone uses cookies. We do too! Cookies are little bits of information stored on your computer which help us give you a better experience. You can find out more by reading the STEPBible cookie policy.