Dan 1 | CYM | STEP | Yn y drydedd flwyddyn pan oedd y Brenin Jehoiacim yn teyrnasu ar Jwda, dyma Nebwchadnesar, brenin Babilon, yn ymosod ar Jerwsalem a gwarchae arni.

e 2 Brenhinoedd 20:17,18; 24:10-16; 2 Cronicl 36:10; Eseia 39:7,8

‏ Daniel 1

Daniel a'i ffrindiau

(1:1—6:28)

Y dynion ifanc yn llys Nebwchadnesar

1 Yn y drydedd flwyddyn ^{▼▼1:1 y drydedd flwyddyn 605 CC Roedd Jehoiacim yn frenin o 609 i 598 CC Byddai Daniel yn fachgen yn ei arddegau ar y pryd} pan oedd y Brenin Jehoiacim yn teyrnasu ar Jwda, dyma Nebwchadnesar, brenin Babilon, ^{▼▼1:1 Nebwchadnesar, brenin Babilon Roedd Nebwchadnesar yn teyrnasu o tua 605 i 562 CC Byddai Daniel yn fachgen yn ei arddegau ar y pryd} yn ymosod ar Jerwsalem a gwarchae arni. ^c 2 A dyma Duw yn gadael iddo ddal Jehoiacim, brenin Jwda. Cymerodd nifer o bethau o'r deml hefyd. Aeth â nhw yn ôl i wlad Babilon, ^{▼▼1:2 wlad Babilon Hebraeg, Shinar sy'n hen enw am wlad Babilon.} a'i cadw yn y trysordy yn nheml ei dduw. ^e

3 Dyma'r brenin yn gorchymyn i Ashpenas, prif swyddog ei balas, chwilio am Israeliaid ifanc oedd yn perthyn i'r teulu brenhinol a theuluoedd bonedd eraill – 4 dynion ifanc cryfion, iach a golygus. Rhai galluog, wedi cael addysg dda, ac yn fechgyn doeth, cymwys i weithio yn y palas. Roedden nhw i ddysgu iaith Babilon ^{▼▼1:4 Babilon Hebraeg, “Caldeaid”, sy'n hen enw am y Babiloniaid.}, a hefyd dysgu am lenyddiaeth y wlad. 5 A dyma'r brenin yn gorchymyn eu bod i gael bwyta'r bwyd a'r gwin gorau, wedi ei baratoi yn y gegin frenhinol. Ac roedd rhaid iddyn nhw gael eu hyfforddi am dair blynedd cyn dechrau gweithio i'r brenin. 6 Roedd pedwar o'r rhai gafodd eu dewis yn dod o Jwda – Daniel, Hananeia, Mishael, ac Asareia. 7 Ond dyma'r prif swyddog yn rhoi enwau newydd iddyn nhw. Galwodd Daniel yn Belteshasar, Hananeia yn Shadrach, Mishael yn Meshach, ac Asareia yn Abednego. ^{▼▼1:7 Ond dyma'r … Abednego Roedd rhoi enwau newydd yn arwydd o berchnogaeth. Newidwyd eu henwau Hebreig i enwau oedd yn dyrchafu duwiau Babilon. Ystyr yr enwau Hebreig: Daniel – ‛Duw ydy fy Marnwr‛; Hananeia – ‛Mae'r Arglwydd wedi bod yn hael‛; Mishael – ‛Pwy sydd fel Duw?‛; ac Asareia – ‛Mae'r Arglwydd wedi helpu‛.}

8 Dyma Daniel yn penderfynu nad oedd e am i wneud ei hun yn aflan drwy fwyta'r bwyd a'r gwin oedd y brenin am ei roi iddo. Gofynnodd i'r prif swyddog am ganiatâd i beidio bwyta'r bwyd brenhinol. 9 Roedd Duw wedi gwneud i'r swyddog hoffi Daniel a bod yn garedig ato, 10 ond meddai wrtho, “Mae fy meistr y brenin wedi dweud beth ydych chi i'w fwyta a'i yfed. Mae arna i ofn beth fyddai'n wneud petaech chi'n edrych yn fwy gwelw a gwan na'r bechgyn eraill yr un oed â chi. Byddech chi'n rhoi fy mywyd i ar y lein!” 11 Ond wedyn dyma Daniel yn siarad â'r swyddog oedd wedi cael ei benodi i ofalu amdano fe, Hananeia, Mishael ac Asareia. 12 “Pam wnei di ddim profi ni am ddeg diwrnod? Gad i ni fwyta dim ond llysiau a dŵr, 13 ac wedyn cei di weld sut fyddwn ni'n cymharu gyda'r bechgyn eraill sy'n bwyta'r bwyd brenhinol. Cei benderfynu gwneud beth bynnag wyt ti eisiau wedyn.”

14 Felly dyma'r gwas oedd yn gofalu amdanyn nhw yn cytuno, ac yn eu profi nhw am ddeg diwrnod. 15 Ar ddiwedd y deg diwrnod roedd Daniel a'i ffrindiau yn edrych yn well ac yn iachach na'r bechgyn eraill i gyd, er bod y rheiny wedi bod yn bwyta'r bwydydd gorau o gegin y palas. 16 Felly dyma'r gwas oedd yn gofalu amdanyn nhw yn dal ati i roi llysiau iddyn nhw yn lle'r bwydydd cyfoethog a'r gwin roedden nhw i fod i'w gael.

17 Rhoddodd Duw allu anarferol i'r pedwar ohonyn nhw i ddysgu am lenyddiaeth a phopeth arall. Roedd gan Daniel yn arbennig y ddawn i ddehongli gweledigaethau a breuddwydion.

18 Ar ddiwedd y cyfnod o hyfforddiant dyma'r prif swyddog yn mynd â nhw o flaen y brenin Nebwchadnesar. 19 Dyma'r brenin yn eu cyfweld nhw, a doedd dim un ohonyn nhw cystal â Daniel, Hananeia, Mishael ac Asareia. Felly dyma'r pedwar ohonyn nhw'n cael eu penodi i weithio i'r brenin. 20 Beth bynnag oedd y brenin yn eu holi nhw amdano, roedd eu gwybodaeth a'i cyngor doeth nhw ddeg gwaith gwell nag unrhyw ddewin neu swynwr doeth drwy'r Ymerodraeth gyfan.

21 Roedd Daniel yn dal yno y flwyddyn y daeth Cyrus yn frenin. ^{▼▼1:21 y flwyddyn y daeth Cyrus yn frenin 539 CC Erbyn hynny byddai Daniel yn ei 80au cynnar.}

Welcome to STEP Bible

A simplified search is now available!

Here are the frequently asked questions:

How do I read passages in Bibles?

How do I look up a passage?

How do I see three Bibles at once?

How do I find a parallel gospel passage?

How do I follow a Bible reading plan?

How do I also see a commentary?

How do I find words and phrases?

How do I find words or topics?

How do I search only some books in the Bible?

How do I find a Greek or Hebrew word?

How do I find a word only where it relates to a topic?

How do I find more about search?

How do I do a word study?

What information can I find about a word?

Why do only some Bibles have clickable words?

What does “~20x” or “Frequency” mean?

Why do some words have dropdown next to the frequency number?

Where do I find the maps?

How do I get the word frequency for a chapter or a book?

How do I find more information on original languages?

How do I see Greek/Hebrew vocabulary for my Bible?

How do I see Greek/Hebrew transliteration for my Bible?

How do I see Greek/Hebrew vocabulary for a verse?

How can I view multiple Bibles together as an Interlinear?

How do I see the various versions of the Greek OT?

How do I display the color-coded grammar?

‏ Daniel 1Summary